منتديات سبيع الغلباء - شيـــــــــــــخة العــــــــــــــــــوب**ناصربن حضرم**

[poem=font="Tahoma,4,crimson,bold,normal" bkcolor="white" bkimage="backgrounds/1.gif" border="solid,4,black" type=0 line=0 align=center use=ex num="0,black"]
كل البشر في صوب وهالبنت في صوب
الكامـل الله كامـلـه مــا تعـابـي
ترفه وهـي تمشـي مسافـات ودروب
في عـز رحـلات الشقـى والعذابـي
لا من مشت في يدهـا ترفـع الثـوب
كـلٍ يناديهـا وهـي تقـول مـابـي
من الدلـع سميتهـا شيخـة العـوب
حتـى دلعهـا منحنـي لـه اعجابـي
مركوبهـا ماهـوب أيـات مـركـوب
مـن مـر قدامـي تلنـه الركـابـي
لحقتهـا والهـرج زاهـب ومكتـوب
لأي موقـف كنـت عامـل حسـابـي
قلت السلام .. وردت بأيـش مطلـوب
قلـت الخفـوق بخفـت الـدم ذابـي
قالت وش اللي حداك لنـاري تـذوب
قلـت المشاعـر ماعليهـا عتـابـي
قالـت تمثـل دور عاشـق ومحبـوب
قلـت الحقيقـه افتـديـك بشبـابـي
قالت اخيـر الحـب ناهـب ومنهـوب
قلت انهبيني قبل مـا انقـل صوابـي
قالت متى تكبر عـن الحـب وتتـوب
قلت الخبل من شاف زينك وتابـي !!
قالت صراحـه مـا توقعتـك اسلـوب
قلت افهم انك معجبـه فـي جوابـي ؟
فجأه عرض لي واحدٍ عرضة خـروب
سلـم علـي وخاطـر البنـت طابـي
جاني مطفي ضارب فيـاض وشطـوب
ومن قو عينـه قـال .. يامرحبابـي !
واخذ يسولف لي وانا فيـه مغصـوب
يسئل عـن احوالـي وسبـة غيابـي
مايدري انـه بعرضتـه كسـر قلـوب
لا واعـذابـي مـنـه لا واعـذابـي
رقد على كبدي وانا بوقـت محسـوب
البنـت راحـت والرجـا منـه خابـي
وقفت عاجـز كنـي انسـان مغلـوب
من قرد حظـي كـل هـذا جـرا بـي
اتلا عهدهـا تلتفـت لفـت رعبـوب
مـا الله كتبهـا قسمـةٍ فـي كتابـي
اقفت تمشـى فـي مسافـات ودروب
قلبي يناديها وهي تقول .. مااابـي !![/poem]

منقووووووووووووووووووووووول