ستار الخفوق الله يكافي البلا مشلوح
 

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkblue" type=0 line=0 align=center use=ex num="0,black"]







ستار الخفوق الله يكافي البلا مشلوح =غرابيل بقعا كل ليله ترامحبه

ضميري من الهوجاس والصبر فيه جروح=وأنا خابرن لو طول الصبر لولحبه

ترى العبره اللي في عيوني تجي وتروح=تبعد لذيذ النوم عني وتجنحبه

مال الفي والورقى تجر الغنـى وتنـوح=على الغصن الأخضر والهبايب تمرجحبه

وقلبي لونات العنـا والشقـا مفتـوح=تمـر الاذانـي ثـم تعـدى وتسرحبـه

تيارن من الذكرى يجوح الضماير جوح=مثل جوح واد ن كل شعيبـن يطبحبـه

تحدر معه سيلن يخلي الوطى ويـروح=لرؤوس النوازي والغـوارب تناطحبـه

عسى البارق اللي تالي الليل قام يلـوح=خياله ندر من عصرمتقا فيـه سحبـه

ترخت أثعوله والهوى يـردع الجنـوح=ثبت ماتغير وأنتهى الليـل وأصبحبـه

على ديرتن نحبها مثـل حـب الـروح=واد ن هو صحيبنا وحنا بعـد صحبـه

تخالط نباته والنفل في الفياض يفـوح=مثل فوح دهن العود لقمـت تمسحبـه

مع الورد و الريحان في لبـة الطمـوح=روتين الحيـاة وطبعهـا ماتسامحبـه[/poem]