كذا تجي شاعر !!
 

[align=center]
قصيده غريبه في موضوعها

وهي تحكي الحقيقه الحاصله ، وحال الساحة الشعبيّة ، بإستثناء من يستحقون الثناء .

وتشكل ثلّة من الإعلامين والصحفيين ، مع العلم أن بهم عكس ذلك ولكن اليد الوحده ماتصفّق

دار حوار بيني وبين الشاعر المبدع / معيوف بن مبارك الدوسري

حول الصحافه والإعلام وحال الشعار فيهما وما هو يجري الآن من تغيّر المفاهيم حول الشهره

فبدعت هذه الأبيات مداعباً بها أخي معيوف :






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]


ياصاحبي معيوف مسيّت بالخير=الشعر شعر المصلحه والعلاقه

كانك تبي تنعدّ ضمن المشاهير=اهل السلوك الناعمه والدقاقه

جمّع بني عمك وناد الجماهير=ولكل صاحب شان ارسل بطاقه

وسو أمسيه وحده ولوكانت عصير=وحاول تكوّن فالصحافه صداقه

واصهل مثل جسّاس وكليب والزير=واشهر على الشعّار موس الحلاقه

وامدح وسب وغن لجل الغنادير=سب الوفي وامدح من الناس عاقه

وخذلك لقا وسط النياق المغاتير=جنب الرحول وماسكٍ راس ناقه

واجلس على المركى وقدّامك الطير=وبيت الشعر خلفك يهبهب رواقه

وصوّر مع اهواة القنص والصقاقير=وجمّع حوالينك شويّة رفاقه

هذا يقنّد فالدلال المباهير=وهذا يتبسّملك ويرخي شقاقه

وهذا حلب لك من حليب المصاغير=وهذا على مدحه يزوّد نفاقه

واجلس على الروض الخضر والنواوير=وزوّد برستجيك وهرجك لباقه

وصوّر على الشاطي وصوّر على البير=واطلع بكامل رونقك والأناقه

كذا تجي شاعر وسيّد شواعير=لو كان ماتقطف من الشعر باقه

الوقت غير وطابعه يالشلي غير=راحت تقاليد العرب والعراقه

وين القصيد اللي يهز الطوابير=مثل البحر موجه يزيد اصطفاقه

اللي ليا عدّوه عند المناعير=ثم سمعه السامع يزيد اشتياقه

تبدّلت كل الصور والتفاكير=وصرنا نتشفّق للفرايد شفاقه

في ساحة الشعّار للوضع تفسير=كم شاعرٍ كلّت من الركض ساقه

ما اعم أنا لاشك فيهم هوامير=تفتح على المعنى ثمانين طاقه

اهل المعان الوافيه والتعابير=جلّه خذوه ولا شقْوا في دقاقه

هذا وحبْك الشعر مازاد توقير=الرجل من فعله يبين انطلاقه

الله يوفّقنا لحسن التدابير=ويصدّنا عن مهتوين الحماقه

هذا هو الموجز وباقي التقارير:=الشعر شعر المصلحه والعلاقه [/poem]






/



\[/align]

رد : كذا تجي شاعر !!
 

[align=center][size=5][color=#000000]راكان بن محمد بن بدن

أبدعت يابطل

صح لسااااانك ملايين قصيده وافيه وشافيه

وتعبر عن بعض مايدور في الساحه الشعبيه

سيتم نقل هذه الفارعه لقسم القصائد المميزه

لك تقديري[/color][/size][/align]

رد : كذا تجي شاعر !!
 

بيض الله وجهك

يابو محمد بشر عن الشايب

عساه بخير وعافيه

والابل عادها مكانها

سلم علئ الشيبان

= فريعني الجبيل=

رد : كذا تجي شاعر !!
 

[B][size=4][align=center]صح لسانك ياراكان[/align][/size][/B]

رد : كذا تجي شاعر !!
 

[align=center][size=5][color=#4169E1]الله
الله
الله

مبدع ورائع

صح لسانك

لك مني صادق الود والاحترام
أخوك/ سعود محمد الصندلي[/color][/size][/align]

رد : كذا تجي شاعر !!
 

[color=#333333][align=center][size=4]هلا بهذه الاطلاله الرائعه وهذا العزف المنفرد

[color=#990066][font=Comic Sans MS][size=6]راكان بن محمد[/size][/font][/color]

للجزاله والرقي موعد مع هذه الباسقه التي أعدت قرأتها مرات ومرات وسأعود لها كلما احسست أنني بحاجه الى سماع الشعر ولا شئ غير الشعر,,,


دمت ايه الرااااااااائع والنقي,,,,[/size][/align][/color]

رد : كذا تجي شاعر !!
 

صح لسانك يابومحمد

رد : كذا تجي شاعر !!
 

[QUOTE=فـــالح السبيعي;107021][align=center][size=5][color=#000000]راكان بن محمد بن بدن

أبدعت يابطل

صح لسااااانك ملايين قصيده وافيه وشافيه

وتعبر عن بعض مايدور في الساحه الشعبيه

سيتم نقل هذه الفارعه لقسم القصائد المميزه

لك تقديري[/color][/size][/align][/QUOTE]











[align=center]
الغالي

فالح السبيعي


هلابك ملايين


هذا من طيب راسك وساسك


تقييمك وسام شرف

صح بدنك

ولاهنت




لك فائق التقدير[/align]

رد : كذا تجي شاعر !!
 

[QUOTE=فريعني الجبيل;107048]بيض الله وجهك

يابو محمد بشر عن الشايب

عساه بخير وعافيه

والابل عادها مكانها

سلم علئ الشيبان

= فريعني الجبيل=[/QUOTE]












[align=center]مرحبا ياراعي الجبيل مرحبا


يالله حيّه

أبشرك بخير ولاننشد ألا عنك وشرواك


وبالنسبه للبل أنت يمكنك أخبر توّك مارها يالذيب في الدبدبه


صح بدنك

ولاهنت



لك فائق التقدير[/align]

رد : كذا تجي شاعر !!
 

صح لسانك ملايين


بالفعل قصيدة مميزة لا هنت



وكأنك تحكي واقع شعراء 2007




نتمنى أن يكون هناك تصحيح للقصائد الخشاشية و للمضاربين الخشاشيين لتصفي الساحة للشعراء المميزين


تقبل مروري