برقعك يازين قامت تلاعبه الهبوب
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
برقعك يازين قامت تلاعبه الهبوب =وانت تدريبه لكن ماانت حريص عليه يالميع الاوكسجين وشفق وقت الغيوب= لاارتفع عنه الغطى جعل ربي يبتليه عزتي للي يشوفه وهوناون يتوب= راح مرواح القطا والشمالي مقتفيه بري حالي منه بريت محاحيل الغروب= عند شراخ يحوفه ويرك النار فيه ونتي ونت خلوجن تلد لكل صوب= تخترش وان بان زولن بعيد تلد فيه احتدوها بالعصا في الترايب والجنوب= لين شال حوارها اللي بماله مشتريه حرك الموتر وقفا وهي قامت تلوب= والحبال مجوده من فقاره ليديه كن وزيز ضلوعها جندب الصيف اللعوب= تطلع من الذود يم الطويل وتعتليه والله اني مثلها بين غالب ومغلوب= مرة عاقل وعشرين مراتن سفيه انفرا جيبي وانا صابرن صبر مغصوب= طاحله في يد عدون بيلعن والديه الجفا يا ناعس الطرف مهوب محبوب= لو سألت ادنى بشر قال والله ما نبيه وانت تسبح للمفاتن تحملنا الذنوب= وأن بغينا ناصل حماك ما نقدر نجيه[/poem] |
الساعة الآن 04:18. |
Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها