الامير / محمد بن مطر ابو ثنين
 

بسم الله الرحــمـــن الرحيــــــم

اخواني اعضاء منتدى قبيلة سبيع

الســـــلام علــيــكـــــم ورحمـــــــة اللـــــه وبركــــاتــه


مساكم الله بالخير واعتذر عن انقطاعي الطويل وذلك لظروفي الصحيه والحمدلله على كل شئ

واقدم لكم هذه المرثيه اللتي قيلت في الامير/محمد بن مطرابوثنين رحمه الله وهذه اقل مانقدم

لهذا الامير الذي قدم الكثير والكثير لقبيلة سبيع وللقبائل الاخرى وهو اللذي قال فيه الامير /عبدالله بن جلوي

(فيه رجل دين ورجل دنيا ومحمد بن مطر رجل دين ودنيا وايضا شجاعه ) .

لا اريد ان اطيل عليكم لانني لوتحدثت عن ابو فراج فلن تكفي السطور والصحف تعديد افعاله .

والقصيده قالها الشاعر /فيصل بن عبدالله بن ضرمان ابوثنين ويقول فيها:


[frame="1 80"][size=1][size=6][size=4]علمٍٍٍٍٍ" فجاني منه حر اللهايب **** علم" يحس الاجنبي والقبيله

قالو توفى اللي فعوله غرايب**** ابن مطر راع العلوم الجميله

معذور من يذرف دموعه سكايب****في فقد شيخ" كل حمل"يشيله

مرحوم ياحلال صعب النشايب**** اللي اليا جت قالة" ينعنيله

مرحوم يالزحزيح عطب الضرايب**** يالساطي اللي وين نلقى بديله

مرحوم يامن شب ثم صارشايب****صخاه مايوصف وحاتم مثيله

مرحوم ياملفى رجال ونجايب**** في مجلسن عامر نهاره وليله

يبكيه من شاف القهر والغلايب**** يساعده لاصارفالحق ميله

يبكيه من ينخاه يفعل سبايب**** ينهض حجاجه لا نتخا وشد حيله

بالدين والدنيا من الله وهايب**** محمد بهماته نفل كل جيله

ياما سعى لارقاب ناس" جلايب**** بجاهه يفك اللي حموله ثقيله

لا والله اللي راح رجل الصعايب**** اللي بنى صرحآ حصونه طويله

ينصاه من يلقاه عند النوايب**** لاقام في دعواه يبرد غليله

فقيدة" على البعيد وقرايب**** توجدبه اوصافا" بغيره قليله

عسى على قبره تهل السحايب**** بمر الولي تمطر عليه المخيله

ويخضر عليه من الزهر والعشايب****نبته يزف ومن مباكير سيله

وصلوا على خير البشر والصحايب**** شفيعنا عند الولي بالوسيله[/size][/size][/size][/frame]




اخوكـــــــــــــــم (+*رمح العنــا*+)

رد : الامير / محمد بن مطر ابو ثنين
 

الحمد لله على سلامتك وكل عام وانت بخير نشكرك على ما نقلته لنا والطيب لا يجي الا من طيب وانت راع الطيب وفقك الله

رد : الامير / محمد بن مطر ابو ثنين
 

الاخ رماح العنا بيض الله وجهك
كفيت وفيت والله لا يهينك على النقل


وصح اللسان الشاعر /فيصل بن عبدالله بن ضرمان ابوثنين


والشيخ محمد ابن مطر شيخ يعجز السان شاعر يوفيه حقه

ومن غير اقصور في باقي شيوخ سبيع الباقين كلهم مكملين لبعضهم

تقبل تحيلتي

رد : الامير / محمد بن مطر ابو ثنين
 

شكرا اخوي (صقر بجيله)

على مرورك الكريم وانت بالف صحه وسلامه

وانت اطيب واكرر شكري لك









+*رمــح العـــنـــا*+

رد : الامير / محمد بن مطر ابو ثنين
 

مرحبا بمرورك اخوي جفين الطويرش



وانا رمح العنا ماني (رماح)




وشكرا لك اخوي جفين والله لا يهينك







+*رمح العنـــا*+

رد : الامير / محمد بن مطر ابو ثنين
 

الله يرحم الامير/محمد بن مطرابوثنين وعساه باالجنه البارده


وابن جلوي يبخص الرياجيل وكلمة باالامير محمد بن مطر ابوثنين بمحلها


شكر لك رمح العنا على موضوعك

رد : الامير / محمد بن مطر ابو ثنين
 

رمــــح مهنــــــــــا


يامرحبابك وشكرا لمرورك والله يقبل منا ومنك


وشكرا لمرورك مره اخرى







اخوك +*رمــــح العنـــــا*+

رد : الامير / محمد بن مطر ابو ثنين
 

[B][size=4][align=center]أخي الكريم / رمح العنا السلام عليكم ورحمة الله وبركاته وبعد : شكرا جزيلا لك على هذا الموضوع الشائق عن الشيخ / محمد بن مطر أبو اثنين رحمه الله وأسكنه فسيح جناته وما زالت القبائل البعيدة قبل القريبة تلهج بالثناء عليه ومن ذلك أنه لما أشمل طلبوا منه قبيلة الدغمان من الرولة أهل قاره أن يتوسط في اطلاق سراح أميرهم ابن دغمي من سجن أمير الجوف ففعل وأخرج بن دغمي شيخ الدغمان من الرولة ولا زالوا يلهجون بالثناء عليه في شمال المملكة عموما ومنطقة الجوف خصوصا وبعضهم لا يعرفه ولم يدركه رحمه الله مع أطيب الأمنيات والسلام .[/align][/size][/B]

رد : الامير / محمد بن مطر ابو ثنين
 

[size=7]الامير محمد قليل شكله والله يسكنه فسيح جناته وجميع مؤتا المسلمين [/size]

رد : الامير / محمد بن مطر ابو ثنين
 

[size=4]الله يرحم الشيخ/محمد بن مطر أبوثنين[/size]

وشكرا لك على هذا الموضوع المميز

وماقصرت