منتديات سبيع الغلباء

منتديات سبيع الغلباء (https://www.sobe3.com/vb/index.php)
-   منتدى الشعر الشعبي والنبطي ( شعراء الشبكة ) (https://www.sobe3.com/vb/forumdisplay.php?f=7)
-   -   يــاثــورة الأحــــزان .. بالله هـــدي (https://www.sobe3.com/vb/showthread.php?t=55206)

راعي مرات 04 - 08 - 2022 23:24

يــاثــورة الأحــــزان .. بالله هـــدي
 
مـؤمـن بـربـي دون شــكٍ ولا ريــب
راضــي بـحـكمه خـاضـعٍ مـستعدي

و إلا لــو انــي أعـلـم الـسرّ والـغيب
مـاكـان دمـعـي جــرح الـيوم خـدي

ولـو كـان رمعاتي على كيفي تصيب
مـاوقّـفت دنـيـاي ..والـحـظ ضــدي

شـهب الهقاوي مثل سرب اليعاسيب
فـــوجٍ يـعـشـينا ..وفـــوجٍ يــغـدي

تـقـنب لـنـا بـقعا كـما يـقنب الـذيب
لـــو اقـبـلـت يـــومٍ فـعـامٍ تـصـدي

نـصبر عـلى ضـيم الـدهر واللواهيب
هـــمٍ تــلاطـم بــيـن جـــزرٍ ومــدي

نـــوبٍ تـكـدر صـافـيات الـمـشاريب
واحـيـان مـا نـدري وش الـلي نـبدي

تـنـقضت مـنـها الـجروح الـمعاطيب
يــاثــورة الأحــــزان .. بالله هـــدي

اكــنّ اســراري بـوسـط الـمـحاديب
وامــوت مــا بـيـحت لـلـناس سـدي

مـاشـاقني حــب الـبـني الـرعـابيب
مــا لــي بـهن شــفٍ.. ولاهـن بودي

اخــاف يـشـناني قـريّب مـحاضيب
وعــيـن الـشـمـاته مـاتـلـد وتـصـدي

كـم واحـدٍ تـحسن بـه الظن ويخيب
وكـم واحـدٍ يـشفيك لا جاء التحدي

فـلا تـتبع الـمقفي.. ولا تقرب العيب
وإن روحــوا عـنّـك فـمـرواح جــدي

واحـذر من اللي ينقل الهرج ويجيب
يـجـيب لــك عـلـمٍ ..والآخـر يـودي

والـلي يـتردى مـا يـعرف المواجيب
مــاهـوب نــدٍ لــك ولاهــوب قــدي

وإن وصـلت لضرب القِنا والمشاعيب
كــلٍ عـلـى حـوضـه لــزومٍ يـضـدي

نـبـني عـلاقـتنا عـلى الـعز والـطيب
وامـــوت مـاصـعرت لـلـناس خــدي

مـاذكـر حــيٍ خـالـي مـن الـعذاريب
ومـافيه شـخصٍ طـول عـمره مقدّي

رتــبـت قــولـي لـلـفطينين تـرتـيب
الــلـي تـفـرق بـيـن هـزلـي وجــدي

العمر راح.. ولاح في عارضي الشيب
وإن مـاكسبت الـطيب مـاعاد يـمدي

وصــلاة ربــي عــد زهــر الـنـبانيب
عـلـى الـنـبي واعــداد نـجـمٍ مـعدي

عـبـدالـرحـمن عــبــدالله الـمـجـلي السبيعي

1/1/1444

راعي مرات 30 - 09 - 2022 02:56

رد: يــاثــورة الأحــــزان .. بالله هـــدي
 
لمن آراد الإستماع لها مع الشكر
[url]https://youtu.be/OlrJgo9hcOI[/url]

admin 14 - 10 - 2022 21:19

رد: يــاثــورة الأحــــزان .. بالله هـــدي
 
صح لسانك

رائعة

مسعود الحويزي 20 - 12 - 2022 19:58

رد: يــاثــورة الأحــــزان .. بالله هـــدي
 
صح لسانك

ياليت الايام الاولى بالتواصل عبر المنتدى ترجع ��

خالد الشماسي 25 - 12 - 2022 14:03

رد: يــاثــورة الأحــــزان .. بالله هـــدي
 
صح لسان راعي مرات

وهلابك يا مسعود

الايام باقيه وحنا باقين باذن الله والارشيف جميل وممتع


الساعة الآن 15:23.

Powered by vBulletin® Version 3.8.11, Copyright ©2000 - 2024, Jelsoft Enterprises Ltd. www.sobe3.com
جميع المشاركات تعبر عن وجهة كاتبها ،، ولا تتحمل ادارة شبكة سبيع الغلباء أدنى مسئولية تجاهها