معركة جودة ((وبداية سقوط الدولة السعودية الثانية))
 

السلام عليكم ورحمة الله

اعتقد مافي احد مايعرف موقعة جوده .. ولا التاريخ راح ينساها لانها من المعارك اللي غيرت مجرى التاريخ وهي تعتبر بداية النهايه للدوله السعوديه الثانيه اللي كانت ماهمها الا العجمان ومحاربتهم . وبدايتها عقب ما حاصروا العجمان الحسا وقام عبدالله بن فيصل باعلان النفير العام في نجد كلها وارسل جيش جرار من بدوان نجد وحضرها بقيادة اخيه محمد بن فيصل لمحاربة العجمان وآل مره ومعهم اخيه سعود بن فيصل اللي كان مع العجمان . ويوم دروا العجمان زحفوا صوب عين جوده لانها طريق جيش عبدالله ولانها ارض السعد.في سنه 1287هـ 1870م. ودارت معركة قويه واستبسل العجمان و وحصدوا جيش عبدالله بن فيصل وذبحوا منهم تسعميه ومن مشاهيريهم مجاهد بن محمد امير الزلفي وابراهيم بن سويد امير جلاجل وعبدالله بن علي آل عبدالرحمن امير ضرما واسر محمد بن فيصل قايد الجيش وارسلوا لسجن القطيف .. وبعد ما دروا هل الحسا والحساويه فتحوا الحسا كلها للعجمان واستسلموا بدون مقاومه .. وعقبها قام عبدالله بن فيصل بعد ما درى بجمع امواله وثروته وهله وترك الرياض وراح صوب ابن رشيد في حايل ..وارسل عبدالعزيز ابابطين الى والي بغداد يطلب منه العون والنصره ..

وفي هذي الموقعه قال شاعــر العجمان . عبلان بن سعد المصراني




يالله يا مدرج الافـلاك فـي ساعـه
رب كريـم جزيـل المـد نثنـي لـه
يوم على جال جوده ترهـق افناعـه
يوم عبوس غشى الصفـرا مخاييلـه
جمع العوارض نطحنا كـن تهزاعـه
سيل تحـدر علـى جـاري مساييلـه
بارودهم في الخضيرا كـن تنيزاعـه
برقه يرفرف حقوق وان درج سيلـه
دفنا لهم من كثيـر المـوت واقناعـه
ماغير قو العزيمـه والظفـر حيلـه
تسع ميـه عسوجـي طايـل باعـه
كن الخشيع الخشـب جثـا رجاجيلـه
وسيوفنا في جماه الـروس قضاعـه
كم جوهـر دمـر وجهـا لنـا خيلـه
وقديمي في الشواكل عـاش صناعـه
ماعاد تجلـى الحـلا منـه صقاقيلـه
ابو هلا شوق مـن خوتـم صباعـه
يزرع ضمير الحشـا لجـة خلاخيلـه
ياشبه عنـز المهـا ماهيـب دناعـه
تزهى من المشخص الغالي مثاقيلـه
ارخى الشنق واهمل اليسرى بمصراعه
لين استداب المطوع وادبـرت خيلـه
خلي المبيرق يـدق الحـزم بكراعـه
والراس فاخت حساب يديـه ورجيلـه
وطالبك صفرا مـن الزلبـات تواعـه
كن زيلها العسو لاهـزت شماشيلـه
تلحـق بعـود قديـم بانـت اوقاعـه
لا من خطو الـردى ماوطـن الزيلـه


(منقول)

رد : معركة جودة ((وبداية سقوط الدولة السعودية الثانية))
 

مراحب يا محب سبيع


والنعم بالعجمان في الأوله بس عاد في الكويت راحو فيها :)


وهذي حال الدنيا يوم لك ويوم عليك



موضوع منتاز وقصيدة جزلة بالحيل



الحمد لله اللي وفق الملك عبد العزيز ووحد هذه القاره واصبحنا اخوان في دين الله


لا طالب ولا مطلوب


بس بوصيك عطنا من المواضيع الزينه

رد : معركة جودة ((وبداية سقوط الدولة السعودية الثانية))
 

هلا بك اخي مشعاب

بس عندي تعليق على (راحوا فيها) معليش في هذه اسمحلي بس صدقني لو قبيله غير

العجمان كان بالفعل راحوا فيها بدون قصور في باقي القبايل بس في مثل يقال (للعرب كراااااااااااااااات)

واشهد ان العجمان كرّوا وردوا الصاع صاعين ومثل ما قلت يوم لك ويوم عليك

واخيرا اسعدني مرورك اخي الكريم مشعاااااااااب

رد : معركة جودة ((وبداية سقوط الدولة السعودية الثانية))
 

[font=Arial Black][size=5]اخي محب سبيع مرحبابك واهلا وسهلا بك في منتدى قبيلة سبيع واللي يحبنا نحبه







/////

وحضرها بقيادة اخيه محمد بن فيصل لمحاربة العجمان وآل مره ومعهم اخيه سعود بن فيصل اللي كان مع العجمان .




(( محب سبيع المعركة بقيادة سعود بن فيصل والعجمان هم اللي معه وليس هو اللي مع العجمان والمعركة سببها استحلال سعود بن فيصل الحسى والعجمان من جيش ابن سعود ياخي يعني ابن سعود كسر ابن سعود لانك اذا نسبت معركة جودة لكم فيحق لقبيلة سبيع ان تنسب كل معارك ابن سعود اللي انتصر فيه لانه هم جيشه وقوته وثانيا سبب المعركة ان عبدالله مرسل الجيش لقتل اخوه وليس لمقابلة العجمان

وثالثا وهو الاهم فالموضوع ان قبيلة سبيع هم السبب الرئيسي للمعركة وانتصار سعود بن فيصل على اخيه عبدالله

واظن ماتخفى عليك كثير من المراجع ذكرت ذلك (( اذكر منها ان راكان بن حثلين تواجه مع الامير فراج بن عساف ابو ثنين وقال له بصريح العباره انزل ياعم من الفرس واركب ذي الين لك قصدة يعطيه فرسه وذلك مغزاه ان سبيع تنسحب من المعركة وقال فراج بن عساف (( جاذوب ياسبيع )) وانسحبت سبيع وزعزت جيش ابن سعود لانهم القوة والاكثر في جيش ابن سعود وقصدهم في هذا الانسحاب (( لانه صار بينهم وبين ابن سعود مشاكل ومنها عندما زبنو العجمان على قبيلة سبيع اخذهم غدرا كان عازمهم على عشى وربطهم ولا قدر القبيلة فردوها له ))

هذي هي معركة
واذا كنت تبيني ادخل بالتفاصيل واذكرلك الادله انا حاضر يامحب سبيع



معليش في هذه اسمحلي بس صدقني لو قبيله غير

العجمان كان بالفعل راحوا فيها بدون قصور في باقي القبايل بس



ياخي الحكم لابن سعود والعجمان في ضف ابن سعود


الكلام الزايد ماينفع يامحب سبيع والقبايل الثانيه لها افعال لاتعد ولاتحصى فلا تاخذك الحميا وتقول كلام ماله سنع

والقبايل كلها سوى لاتفرق قبيلة عن قبيلة الا بالسلوم الطيبه



تحياتي لك اخوي محب سبيع وماقول الا ونعم في العجمان وجميع القبايل


اخوك / سعد بن سلطان [/size][/font]

رد : معركة جودة ((وبداية سقوط الدولة السعودية الثانية))
 

اخي سعد مثل ما تفضلت وانا لن ازيد على كلامك لاني اتفق معك

بس في ضفه متى مابغوا يعني اهم شي مصلحة العجمان فوق كل شي ولاهم مسيرون تفهم علي؟

ولا تنسى ان معركة جودة تعتبر هي انتقام لوقعة الطبعه

اسعدني مرورك الكريم

رد : معركة جودة ((وبداية سقوط الدولة السعودية الثانية))
 

[font=Arial Black][size=5]اخي محب سبيع

اسعدني انك متفق معي


بس في ضفه متى مابغوا يعني اهم شي مصلحة العجمان فوق كل شي ولاهم مسيرون تفهم علي؟


محب سبيع اعلم شي واحد ان القبائل العربيه لاتدخل شي الا في مصلحتها وشي يضر مصلحتها لاتدخل فيه

والقبائل العربيه لاتسير غصب عنها بل بأرادتها



ولا تنسى ان معركة جودة تعتبر هي انتقام لوقعة الطبعه


محب سبيع سؤال واتمنى اجابه صريحه

هل المنتقم يغزي او يغزى عليه .؟

فلو صح تعبيرك انه انتقام لماذا العجمان لم يغزون على ابن سعود .؟




تحياتي لك محب سبيع


[/size][/font]

رد : معركة جودة ((وبداية سقوط الدولة السعودية الثانية))
 

[font=Arial Black][size=4]مرحبا اخي فهد


اسف كلامك غير صحيح اخ سعد السلطان
معركة جودة على العجمان وسعود هو الى معهم لاانة زابن عليهم مهوب هو الى وامر عليهم يغزون معة وزابن عليهم من ضعف ماعندة لاقوة ولا ناصرالى اللة ثم العجمان مهوب هو الى وامر عليهم يغزون معة
مثل عبد العزيز وهل العارض وجيشة الى معة وبعدين سعود شخص واحد والعجمان افعالهم دايم الحالهم


(( فهد كلم العاقل بما يعقل لو ان الامر لقبيلة العجمان لماذا لم يحكمو الرياض لماذا حكمها سعود .؟

ولكن العجمان رحبو في سعود لانه مع مصلحتهم


ثاني مره اقولها لو تنسب فعل جوده للعجمان فيحق لي ان انسب معارك الدوله السعوديه الاولى والثانيه والثالثه لقبيلة سبيع لانها اكثر الجيش والقوة في جيش ابن سعود




بعد قل الى ذبح سعد بن عبد الرحمن سعود===وقل الى ذبح بن جلوى سعود اليس العجمان لابعد وقل الى صوب عبد العزيز سعود ياخى هذى فعول العجمان اللة يبى من يتقية خاف اللة فى كلامك



ياخي ماقلنا شي في فعول العجمان ولكن انت خلطت الحابل فالنابل

شدخل اللي عديتهم في معركة جوده الكلام هنا عن معركة جوده



تحياتي للجميع واسف على تاخري على الرد لاني مشغول ولا ادخل كثير على النت [/size][/font]

رد : معركة جودة ((وبداية سقوط الدولة السعودية الثانية))
 

اللي نصر العجمان سبيع لاتفاق المصالح والدليل انه بعد انسحاب سبيع قال راكان
يايام ياسقم الحريب ردوا لعبدالله قضاه

رد : معركة جودة ((وبداية سقوط الدولة السعودية الثانية))
 

لا هنتوا يا بني عمي ..

وفي الختام .. ونعم في العجمان ونعم في باقي القبايل ..

تقبل تحياتي ،،

اخوكم
محمد بن سلطان الثوري

رد : معركة جودة ((وبداية سقوط الدولة السعودية الثانية))
 

الاخ محب سبيع لما خرج الامام عبد الله الفيصل بعد جوده ذهب لقحطان ثم لعتيبه ثم لام العاصافير حيث واجه ابن رشيد اما حايل فالذي ذهب مستصرخا بامر من عبد الله الفيصل رحمه الله هو الشيخ سعيد بن شويه حيث خرج الى حايل عندما استولى ابناء سعود الفيصل على الرياض وسجنوا عمهم والقبائل تمشي مع الحكام لاجل التموين فمثلا عتيبه تقول انها طردت قحطان من نجد واقول ان ذهب الشريف غلب ذهب ابن سعود الذي سقط بيد الباشا لان هادي بن قرمله كان رئيس خيالة الدوله السعوديه الاولى والذي قتل في معركة الخيف وادي الصفراء وكان على وفاته من قاطني الحنابج بالنبر وقد اوصى ابنه محمد بن هادي ان لايدخلوا عتيبه النير ولما دخلوه وهو حصين وتمكنوا منه لم تستطع قحطان اخراجهم والسلام