زبن العتيبي و ابـــو فـــهــد
 

[ALIGN=CENTER][COLOR=darkblue]اخواني مشرفين واعضاء وزوار منتدى سبيع [/COLOR]

[COLOR=red]السلام عليكم ورحمة الله وبركاته :[/COLOR]


[COLOR=blue]هذي قصيده موجهه لي من الشاعر والاخ العزيز / زبن العتيبي

اضافه الى ردي عليها ..........[/COLOR]


ولكم مني جزيل الشكر .[/ALIGN]





[poet font="Arial,4,white,bold,normal" bkcolor="transparent" bkimage="http://nadawi.com/diwan-alnadawi/images/bg67.jpg" border="double,4,indigo" type=0 line=200% align=center use=ex length=100 char="" num="0,black" filter=" glow
(color=darkblue,strength=5)"]
((((( الوقت الردي )))))


يابو فهد شفت الزمن كيف يحتال= قليل خير وزاد شّره علينا

قرّرت أنا باشكيه واحط معدال = وانت الحكم ياشيخ عندك لفينا

جيناك تحكم بيننا وانت رجال = تعرف علوم الطيب لو ماتبينا

مثلك فهيمْ ومنزلك دوم مدهال = دامك حكمْ ياشيخ حنّا رضينا

باشكي عليك اليوم واجيب الامثال = وأثبّت البرهان . قول ٍ يقينا

وقت ٍ تغير صار من حظ الانذال = يمشي الردي والحظ لاجله يزينا

تجمعت بإيد الردي كل الاموال = واضفت عليه اليوم دنيا ودينا

لو هو بخيل ولا لقوا عنده ظلال = قالوا نِعمْ والشين لرضاه زينا

كل العرب تنظر لمن عنده المال = ماله بناله عز يبقى متينا

وابن الكرم والجود لو قال ماقال = مادم ماله مال عنّه نسينا

لو كان قرم وللعرب دوم مقيال = وش خانته لا صار غيره نصينا

مادام مايعطي ولا عنده ريال = المدح في غيره وغيره عنينا

ضّده تجمع كل حاسد وعذّال = وامسى وحيد ٍ طول ليله حزينا

مابات ليل الحزن والهم به طال = ليله طويل وخاف صبحه يبينا

ديانته يرجون من ماله اموال = ضاقت عليه وطال ليله سنينا

ولا الردي يضحك وتكتب به امثال = عطاه زود المال ذكر ٍ حسينا

والله لو ما الحق والرزق مازال = بإيد الكريم ولا نزل في يدينا

لا جري على رزقي ولو جزت الاميال = واخذ حقوقي غصب لو باليمينا

هذي هجوسي هيضت عندي البال = من وقتي اللي شان والطيب فينا

وقت ٍ تكدر واكثرت فيه الا هوال = وقت ٍ عساه يحس يمكن يلينا

ياقاضي احكم دام قلنا لك الحال = راضين حكمك لو حكمته علينا

وختامها صلوا عدد ردد الجال = نوح الحمام بكل وقت ٍ وحينا


(( الشاعر / زبن بن مناحي العتيبي ))

[/poet]

[ALIGN=CENTER][COLOR=crimson]وهذا ردي على قصيدة الشاعر / زبن العتيبي [/COLOR][/ALIGN]




[poet font="Arial,4,white,bold,normal" bkcolor="transparent" bkimage="http://nadawi.com/diwan-alnadawi/images/bg67.jpg" border="double,4,indigo" type=0 line=200% align=center use=ex length=150 char="" num="0,black" filter=""]
((((( حكم القضيه )))))


يامرحباً باللي على بدع الامثال = ينحت من صخور القوافي ثمينا

بيوت شعره دايم عفاف وجزال = وفالقاف عطر المسك والياسمينا

حكمْتني يامعرب العم والخال = والله على حكم الدعاوي يعينا

بديت بمنزّل تبارك والانفال = اللي بيده الملك به نستعينا

وعلى النبي صليت تعداد ماحال = يم الحرم حجاج ويم المدينا

شكواك من وقت ٍ تردى به الفال = جدد لي الجرح القديم الدفينا

هذا زمان ٍ يازبن كله ابطال = ابطال مال وفالاصل باطلينا

ناس ٍ لهم بقعاء تزيّن وتختال = وقفت عن اللي من الكرم وارثينا

ميراث طيب مورثه جد لعيال = وحنا على ماورّث محافظينا

ماهمنا لو حط له بشت وعقال = تراه يدري يوم حنا درينا

والله لو يصير فالوضع زلزال = إن ينطل عقاله وبشته الينا

خله مع الايام يسمن ويكتال = ويصير لك يازبن كبش ٍ سمينا

ابن الكرم والجود لو جوه عيّال = بهروج ناس ٍ فالزمن غافلينا

هذارة المجلس عن الوقت جهّال = فالمجلس اللي بالحكي دالهينا

يمدح هل الاموال بلسان دلال = ويقول له ياعم لوه يهينا

ويسب ناس ٍٍ بالكرم تفعل افعال = ماوصلها لو قال حنا عدينا

ابن الكرم خلى هل القيل والقال = يدحم ردى ذا الوقت جنبٍ متينا

لو جاه ضيف ولا معه ربع مثقال = يمناه عن سلم الكرم ماتلينا

لو إيتديّن قام للحمل يشتال = وهذا الذي خلاه دايم مدينا

هذا جوابي يازبن زبن من شال = همه وضاق ابه الزمان العينا

يالابه اللي قولها فعل الاقوال = لطامة العايل كرام اليدينا

وصلاة ربي عد ماهل همال = على النبي المصطفى والأمينا



(( ابو فهد ))

[/poet]


[ALIGN=CENTER]اخوكم


[COLOR=red]ابو فهد [/COLOR]
.
.
.
.
.[/ALIGN]

صح السان الشاعر زبن العتيبي على هذه الجزله


وبيض الله وجهك يابو فهد على الرد


الله لايحرمنا منكم وتقبلو تحياتي

زبن العتيبي

ابو فهد

بيض الله وجيهكم
على القصيدتين الجزله ولاهنتو على كل حال



البدر

من زبن

لمزبن وعز الله انه زبن

زبن العتيبي وابو فهد

عزالله انكم شعار وما قصرتوا على هالقصيد الجزل بيض الله وجيهكم

وصح لسان كل فيكم

تسجيل اعجاب بالاثنين وقصايدهم عسى الله ان يرزق من يستاهل الرزق

وما يستاهله الا الكريم ونسال الله ان يرزقكم جميع وحنا معكم والجميع

تقبلوا خالص تحيات اخوكم بن جراح

ابو فهد

زبن العتيبي

شكرا لكم على هالقصيدتين الرائعتين كروعة اصحابها

صح لسان الشاعر / زبن

و سلمت يا ابو فهد على الرد

كلكم مبدعين الله لا يهينكم

تقبلو تحياتي

عزيز النفس

صح لسان الشاعر زبن وصح لسانك اخوي بو فهد على الرد الجزل

وتسلم والله

تحياااااااااااااااتي لكم

ابو فهد......وزبن العتيبي ابو حاكم

لاهنتوا يالذيابه على الصوت والصدى

وصح لسانكم جميع

والقصيده وافيه ومن رجال وافي

وابو فهد قدها وقدود

اخوي زبن العتيبي

صح لسانك يابو حاكم ملايين

اخوي ابو فهد

صح لسانك ملايين

بيض الله وجيهكم على هاتين الرائعتين ولا تحرموننا من ابداعكما


وتقبلا تحياتي واعجابي