بدأ التسجيل .......................إلحق
 

تم افتتاح مدرسة الشقه الواقعه في دولة عرق سبيع العظمى


المدير : أخو شما

الوكيل : سهم


مدرس اللغه العربيه

طويق

مدرس اللغه الإنجليزيه

smart


مدرس الإسلاميه

الناصح

مدرس التربيه الفنيه

السيف


الطلاب هم :

عابر القارات
النداوي
ابن جروب
راعي الهلاليه
البدر
ابو عمر
عبدالله
................


الكلمه الآن عند مدير المدرسه تفضل يا اخو شما

رد : بدأ التسجيل .......................إلحق
 

[align=right][color=000099][size=5]انتباااااااااااااااااااااااااه

المدرسين لو سمحتوا على اليمين
الطلاب على اليسار

انت ياطالب يامدلخ عابر القارات خلك في الطابور
وانت ياطالب ياواسطه ابو عمر ممكن توقف زين


ممتاز ممتاز
اولا نشكر الرئيس مشعاب على هذه المكرمه
ونعده ان شاء الله بأن نعمل على ان يكونوا
طلا ب الاستار اكاديمي عفوا طلاب شقه عرق سبيع
متميزين وان شاء الله يبدعون بعد تخرجهم في المناحل
عفوا المحافل الدوليه
واود ان اذكر الطلاب انه لايوجد عندنا لعب
المجتهد سنقول له مجتهد وسنأخذه في نزهه على الفكس ار
يم العرق
والمبزوط الكسول سنأخذه ايضا للعرق بس ماهو معود معنا
نخليه يجي الله لايهينه رجليه:eek::eek:
ستكون ان شاء الله الحصه الصباحيه الساعه السابعه صباحا
يتخللها بعض التمارين اللي هاتشوفونها شوي
بعدها ان شاء الله وجبة الفطور وهي مقدمه بالمجان من الرئيس مشعاب
عباره عن سندوتشه:D خيار وجبن ابيض وقوطه:D عودنا مصاريه
وعلبة حليب بامجلي
وبعدين من بكره لايجيني منكم واحد الا وهو متنشنقط يعني لابس
بنطلون وفنيله
تقريط بالثوب اثناء الرياضه انسوووووه:mad:
وبعدين انتبه ياطالب ترفع عينك في مدرسينك
والله ياواحد يشكي منه المدرس اني لارميه بالبندق:eek: انتم خابرين
يم العرق لامن شاف ولامن درى

انتبااااااااااااااااااااااه
واحد واحد اثنين اثنين
واح اثنين واح اثنين
ارفع يدك ياراعي الهلاليه زين
ابن جروب لاتلفت
البدر لاتضحك ترى ماهو احسن لك
عبدالله وش ذا....نلعب حنا والا نلعب
النداوي فك ثوبك شوي كل هذي تقريطه:D

انتبااااااااااااااااااه
وشك للحيط يالله
شد حيلك ضع يديك على الجدار
ادفع الين ماتحركه من محله
يالله بسرعه
ممتاز ممتاز
ذلحين ردوا الجدار محله
ياسلام ياسلام
طلاب نشيطين بس ان شاء الله ذا النشاط يستمر
بكره ان شاء الله عندنا تمرين جديد
وذلحين كل واحد على فصله
تامر شي طال عمرك سعادة الرئيس[/size][/color][/align]

رد : بدأ التسجيل .......................إلحق
 

[frame="9 80"][grade="00008B FF6347 008000 4B0082"][color=0066FF][size=4][size=5]إستاداستاااااااد

انا انت انا انت انا

ما عرف اتنشقط انتقشنط


وش اسويبها


تحياتي // الوا[/size]سطه[/size][/color][/grade][/frame]

رد : بدأ التسجيل .......................إلحق
 

بارك الله فيك يا اخو شما

الرجل المثالي في الدوله ومدير مدرسة الشقه بضم الشين


عليك بالطلبه الي ما يفهم سوووه سليق


علم؟

رد : بدأ التسجيل .......................إلحق
 

[color=990000][align=right][size=5]لامنا قشطناك يم العرق
تعرف ان شاء الله تقنشط وتشنقط:mad::mad:[/size][/align][/color]

رد : بدأ التسجيل .......................إلحق
 

وينك يا وكيل وينكم يالمدرسين تعالوا شاركوا



التسجيل مفتوح للطلبه المستجدين

رد : بدأ التسجيل .......................إلحق
 

[color=003399][size=5][align=center]
هههههههههههههههههههههههههههههه :D

سعادة رئيس دولة سبيع العضى السلطان مشعاب اخو عجرى كرم الله وجهة

مدير مدرستنا المحترم اخووووووووو شمااااااااااااااااا

اخواني الاسااااااااااااااااااااتذة الكراااااااااااااااااااااام

ابناااااااااااااااائي الطلبة

طبعااااااااااااااااااااااا اصلاااااااااااااااااااااااااااااااااااااا

بكل صراحة وبكل شفافية وبكل تجرد من المثالية انا ماعندي ساااااااااااااااالفة

تعرفون نكتت المصري يوم سافر امام المسجد الجامع قال للمصري حقة يوم الجمعة اخطب في الناس قال ومالوة يابية انا ادها وادود ويوم جا نهار الجمعة ومن شين حظه انترس الجامع والساحة اللي برى واخينا في الله يوم جا على المنبر تورط وتلخبط كل الناس تطالعة قال تعرفون قصة سيدنا نوح قالو نعم قال اقم الصلاة؟؟؟؟


يااااااااااااااااااااااااالله ياااااااطااااااااااااااااالب فصلك عما يعميك

صدق ما تنعطوووووووووووووووووت وجههههههههههههه :D


اه واعيني ويا راسي وياقلبي والا يا حمس كبدي حمسي

من محبة واحد شفتة ومن شفتة وانا عيني تهل دموع دم صافي

:D

[/align][/size][/color]

رد : بدأ التسجيل .......................إلحق
 

يامدير ويامدرسين

لكم اللحم ولنا العظم ((طبعا انا مادري وش معناها بس يقولونها الشيبان ايام كنا ندرس ))
واذا قالها ابوي احس ان الموت بيجيني

سدد الله خطاكم يافخامة الرئيس ويامدير الشقه بضم الشين

وعليك بعابر القارات تراني ولي امره
خابره مايعرف كوعه من بوعه

ونرد على سهم

اه يامن كنها يوم احسبو لسنينها ماغير عشر وخمسي======صورة(ن) تخضع لها العشاق والخلق الجميل من العروش ينزل الاشرافي

الله الله


وسلامتكم

رد : بدأ التسجيل .......................إلحق
 

كل واحد على فصلة ماعدا :

عابر القارات - سهم - أبوعمر

هؤلاء المبزوطين نبغى نشوف لهم شغلة على أساس مرة ثانية يعرفون يكسرون قزاز السيارة والله أنا ما رافع ضغطي ألا عابر القارات هذا ............. لاهو مفلح في الدراسة ..ولاهو فاكنا شره

اسمع ياسهم وانا أبوك هذا ابوعمر يبغى يخربك ويعلمك كيف تكسر قزاز سيارات المدرسين انتبه تمشي معه




الله يخارجنا

رد : بدأ التسجيل .......................إلحق
 

أتيتكم

مهرولاً

مهرولاً

مهرولاً

وفسحتي في شنطتي

مهرولاً

مهرولاً

مديرنا يا عزوتي

منسمنً

منسمنً

وسيدي وكيلنا

سهمً وإلا مستكه

جميعها لبانتنً

بنص ريالأ نشتري

أتيتكم مهرولاً

هل لي مكانن بينكم

أبي ينابيك السلام

هذا إلي وهذا لكم

عظماً وأكسوه بلحم

تحيتي من وإلي

أنا ترى

حلم الثرى

والمقصف غايت مطلبي

السندويس

خبزت تميس

والتغذيه راحت وطي

هل لي مكانن بينكم

والأ أعود مع جرتي

رد : بدأ التسجيل .......................إلحق
 

[color=003399][size=5][align=center]


ياسلام مدرسة نموذجية بقيادة المدير اخو شما والوكيل سهم

وبقيادة الامبراطور مشعاب

بس عاد انا عندي استفسار يا اخوشما بصفتك المدير عندكم دراسات عليا ؟

وكم قيمة كل فصل دراسي ودنا نكمل دراستنا

باقي سوال مهم جداا ويطرح نفسة بقووووووووووه

ابي اعرف هو الطلاب لهم مكافآت ولا ما فيش ؟

[/align][/size][/color]

رد : بدأ التسجيل .......................إلحق
 

[align=right][color=000099][size=5]انتباااااااااااااااااااااه
اولا احب ان اعقب على مقطع من كلام الوكيل الشايب سهم
عندما قال
طبعااااااااااااااااااااااا اصلاااااااااااااااااااااااااااااااااااااا

ههههههههههههههههه:D:D
هذي اموت وافهما ياسهم

وبعدين ماشاالله اشوف فيه طلبه اليوم مسجلين جدد
ولكن ليت اولياء الامر كلهم مثل المولع
معطينا ولده عابر القارات ويبينا نرده عظم
ياخي حرام عليك هذا وش نسوي بلحمه
الا فكنا من شره لحم وعظم:D:D

انتبااااااااااااااااااااااااه
ورد الينا عن طريق استاذ اللغه العربيه انكم كسرتوا قزاز السيارات
والتهمه لابسة ابو عمر وعابر القارات
وسهم .....افاااااااااااا انت وكيل والا عميل للطلبه:mad::mad:
انا والله خابر انك ياسهم مخربها من يوم كنت ولي عهد لمشعاب
في دولة الصعاليك ولاأدري وش السر ان الرئيس متمسك فيك ولكن
وش نقول من يقدر يقول لمشعاب انت على خطا:eek::eek:
رئيس واللي يسويه يسويه:(:(
ابو عمر وعابر القارات محرومين اليوم من الفطور وخمسين جلده لكل واحد :mad::mad:
قرب الفلكه ياسمارت:mad::mad:
ارفع رجلك زين ياطالب
امسكهم زين ياطويق انت والسيف
افاااااااا وش هذي عصا والا جريده
تكسرت من اول ضربه
الظاهر ان رجليكم مثل كراعين القعود:D:D


لحظه لحظه
منهو ذا الطلاب الدلوعه اللي توه مسجل
وش اسمك يابابا
اها زل الطرب
عاشت الاسامي يابابا
منهو اللي جابك للمدرسه
السواق ماشاء الله
سهممممممممممممموه استلم ذا الطالب وحرز عليه وانتبه عليه من زملاءه الاخرين
هذولاء تراهم مقرد:eek::eek:



انتباااااااااااااااااه
الطلاب اللي توهم جايين كل واحد يقدم ملفه العلاقي
انت وش اسمك
البدر ..........ماشاء الله
وش ذا الاسئله وتوك مستجد
دراسات عليا وخرابيط
الظاهر انك بتبلط في خامس ابتدائي بتموت ماشفت هالعليا
بعدين زين شماغك فك اللطمه
لا والله متضايق من العج:mad::mad:
اقول يالبدر توك ماشفت شي
يالله الحق فصلك


احترامي سعادة الرئيس
كل شي تمام;)[/size][/color][/align]

رد : بدأ التسجيل .......................إلحق
 

والله منتم سهلين خلال اسبوع فتحتوا مدرسه وفتحتوا التسجيل


بس أنا عندي سوال (الواو بدون همز) يا ستاذ اخو شما


المقصف هذا من اللي يشتغل فيه كني قد شفته


بعدين قزاز السياره والله مهوب أنا عابروه توه شاري نطيبه من زل الطرب وجلس يجربها في قزاز المدرسين


وأنا تراه موصيني ما علم ولانيب معلمكم >> سده قوي




طالب رابع ابتدائي

أبو عمر

رد : بدأ التسجيل .......................إلحق
 

طيب فيه وظيفه لو كاتب وظفوني :)

رد : بدأ التسجيل .......................إلحق
 

الله حيهم في مدرستهم


سعود تبي وظيفه اكتب معروض هنا بس مدير المدرسه وإن شاءالله ما يقصر معك


السلطان مشعاب

رد : بدأ التسجيل .......................إلحق
 

يا الربع..يا الربع...

لا تقفلون باب التسجيل تكفون...توهم علموني اخوياي عن المدرسه هذي...

يقولون انها تنجح اللي ما يفيد فيه العلم...و انا يا خويكم..ابلشت الشيبان بالمصاريف...

و آخرتها ساقط و اعيد السنه... انا سمعت ان مكافآتكم تغري..هو صحيح؟..

لكم علي اطيع الكلام..

رد : بدأ التسجيل .......................إلحق
 

[size=5][color=990000]جاكم واحد جديد شاري خوتكم شاريها وما منه فكه ;)


ان بغيتوه طالب طالب (اكيد طالب القرب ):D



وان بغيتوه مدرس ( نو بربلم ) :rolleyes:




(( شكله ناوي يجي مكان سمارت مدرس انقليزي وجالس يستعرض مهاراته ))



وان بغيتو ه مدير مافيش مانع (عنده خبرة سنه في الادارة ) ـــــ ادارة مقود السيارة ــ:eek:



اخو شما خلاص طلع على التقاعد من واحد سبعه اللي راح وبعدين سمعت ان فيه حركة نقل مدراء وانه اول اسم فيها






اما عاد ان كان بغيتونا نسوي انقلاب على واحد ماني قايل اسمه :( وتصير المدرسه المكان السري للتخطوط (التخطيط بالشفرة) فعلموني وترى كل شي جاهز وانا اصير مكانه :confused:




هذا بيت ٍ لاخوكم كتبه منذ مبطي وحب يشارك به معكم وسببه واحد من خوياه على الماسنجر ماغير يتقهده (نضول ) وكان الوقت متيخر ٍ جدا (متأخر جدا ً )


المدرس قام يخطي فالحروف الأبجديه ))))))))))((((((((((((((( هو بلاه النوم ولا صابته عين الحسودي


والله ان العلوم واجد اهم شي اقبلوني وبعدين تعرفونها [/color][/size]

رد : بدأ التسجيل .......................إلحق
 

مروض لا تخاف ناجح ناجح أهم شيء في المدرسه الولاء لدولة عرق سبيع


سعد بن جراش ههههههههههههه حتى حنا ودنا بقربك


اكتب معروض وقدمه للمدير وهو ابخص بيدبرك اما طالب أو مدرس اهم شيء انك معنا



السلطان : مشعاب اخو عجراء

رد : بدأ التسجيل .......................إلحق
 

[align=right][color=#000066][size=5]مافيه مشكله
الطلاب الجدد مقبولون
وبكره ان شاء الله ستبدأ الدروس الخصوصيه
طبعا ماهي في بيت المدرس
ولا في الفصل الدراسي
ستكون الحصص الدراسيه ان شاء الله فوق الطعوس
كل طالب يجيب معه ثلاجة شاهي وقهوه وكيك
مانبي تمر............ذبحنا:D:D[/size][/color][/align]

رد : بدأ التسجيل .......................إلحق
 

[align=center][size=4]بما اني مدرس التربيه الفنيه ولي الخبره في هذا المجال

وهذه الخبرة لوحسبناها يمكن تصير حوالي 15 سنه قدام


فأرجو من الطلاب الافاضل الذين تم تسجيلهم من قبل الادارة الموقرة المبادرة بأحضار الادواة التي تتعلق بالمادة وهي تشمل الاوان المائية والخشبية والزيتيه وكذلك الكراسة ام سلوك الكبيرة ، علما بأن الدراسة قد بدأت في هذه المادة من تاريخه

ارجو من الجميع الالتزام بالدوام الرسمي

تحياتي [/size][/align]

رد : بدأ التسجيل .......................إلحق
 

ماعليه ياعابروووه جاي تجرب النطيبة في قزاز السيارة هين هين
إن نجحت حلقت لحيتي نعينبا ذا الكتشة (حلوة الكتشة)



أبو عمر أربع درجات لأنك مثالي

رد : بدأ التسجيل .......................إلحق
 

[color=#000099][size=6]السلام عليكم ورحمه الله وبركاته

نثيب جميع المدرسين القائمين على المدرسه والطلاب


بس يا مشعاب وشلون تفتح مدرسه من وراي وانا مدير التعليم في هذه الدوله
ولا صرت توزع مناصب كلام بس

انا اناشد جميع الطلاب والمدرسين بالفصل من هذه المدرسه لانها محدثه ولا لها اساس من الصحه ولا ترتبط بوزاره التعليم
الين يجيكم خطاب رسمي من مكتبي الخاص [/size][/color]

[color=#CC0000][size=7]وانت يا مشعاب علمك عندي [/size][/color]:mad::mad::mad::mad:

رد : بدأ التسجيل .......................إلحق
 

[size=4][font=Simplified Arabic][B][align=center]وين مدير المدرسه

ابي احوسكم


والله لوما تضف طلابك لا يصير علم ماهوب علمك


وبعدين الجرس لا يصيح الا من ورى 10 ازعجتونا يامال الضعفه (؟؟؟؟؟)



ولا اشوف واحد منكم راز موتره في المضله فاتحينها سبيل



ولو سمحت ياوكيل افتح قسم طلبات خارجيه للمقصف

(عزوبي جنب المدرسه )[/align][/B][/font][/size]

رد : بدأ التسجيل .......................إلحق
 

[align=right][color=#990000][size=5]مشعاب وينك:o
فتحت ذا المدرسه وحطيتني مدير
وشوفت عينك نشبت مع السامي وابن شطيط:(
والظاهر انهم واسطات بيقلبون ذا المدرسه فوق راسي وراسك:eek:
الحق ياولد:([/size][/color][/align]

رد : بدأ التسجيل .......................إلحق
 

[size=5][align=center]اسمع يا اخو شما

امسك طلابك وقل لهم يجوزون عن سواتهم

مير الواسطه خلص العلوك

وابو عمر اخذ اثنين توكس

اما عابر القارات ما ادري وش يبي سرق فيش الكهرب <=== وش تسوي به بالله

لكن ترى اللي كسر القزازه هو العويد لانه قبل كم يوم اشترى شطرطون من عندي

ابن جراح <==== راعي البقاله اللي جنب المدرسه

وعلى فكره ترى عندي بوفيه <==== يلمح يبي يمسك المقصف

تحياتي[/align][/size]

رد : بدأ التسجيل .......................إلحق
 

يا استاذ ابن جراح <<< كل الناس عنده استاذ

تراني امس عطيتك عشرة ولا رجعت الباقي <<<<<< يبي يلهف منه ثمانية ريال

شريت منك توكس وعطيتك عشرة

رد : بدأ التسجيل .......................إلحق
 

ههههههههههههههههههههههاي
والله انكم منسمين يالربع والله مت من الضحك

اقول يالربع طيب الي يجيب الاول اكيد له بعثه
والطلاب الموهوبين امثال عابر القارات وبن جراش وين تسفرونهم لا تقولون تنزانيا
ههههههههههههاي
بالتوفيق يامربين الاجيال في دولة عرق سبيع

رد : بدأ التسجيل .......................إلحق
 

السااااااااااااااااااامي انت رقيناك صرت مدير الضمان الإجتماعي خلاص انس التعليم


بعدين قربناك من الشيبان فتحنا المكتب في الضرم




شكرا لكم جميع على دخول الموضوع كملو السالفه ............

رد : بدأ التسجيل .......................إلحق
 

[color=#990000][size=6]اسمع يا مشعاااااب انت يبيلك شغل تصرفني من التعليم وترووووح تحطني عند الشيبان ومن زين العلوم بتفتح مكتب في الضرم انت تبيني اجي هرجه للشيبان في المجالس


اسمع يا انك ترجعني مثل ما كنت اول

ولا تراااا بيجي انقلاب في هذه الدوله
وانشاء الله الربع معي واجد وبنسوي حزب وينكم يالفزاااااااعه [/size][/color]

رد : بدأ التسجيل .......................إلحق
 

السلام عليكم ورحمة الله وبركاته

كيف انت يا سعادة الرئيس؟؟

كيف انت يا سعادة المدير؟؟؟

أحب ان اعرفكم بنفسي.....انا موجه المدرسة الاستاذ شاااماان

لا لا لا تقوم ياسعادة المدير استرح يا سعادة المدير واقبض ارضك ... ترا انا عارف حركات مدراء المدارس الخاصة

اووووووووووه طيب طيب ريحني وفك راسي واللي يرحم والديك يا رئيس...صدقني ما راح اقطع رزقك....

الرئيس: هذى والله الساعة الطيبة اللي خلتك تزورنا يا طويل العمر

الموجه: سعادة الرئيس منذ متى انشأتم هذه المدرسة؟؟

الرئيس: منذ مبطي

الموجه:وكم عدد الطلاب

الرئيس: في كل غرفة عشرطعشر طالب

الموجه: وكم كانت تكلفتها

الرئيس: والله يا طويل العمر بنوها لي عمال منقطعين وعطيتهم على شغلهم خمس من البل وعشر من المعزا

الموجه:ماهذه العصا التي بيدك؟ ما تعرف ان القوانين الجديدة تمنع ضرب الطالب منعا باتاً

الرئيس: هههههه هذى الله يسلمك العجراء ماهيب للتلاميذ لغيرهم وتراهم يسموني أخو عجراء

الموجه:وش تقصد بقولة ماهيب للتلاميذ؟:(:(:mad:

الرئيس: ولا شي طال عمرك

سعادة المدير هل من الممكن ان القى نظرة على التلاميذ

المدير : على الرحب والسعه###تفضل الله يحفظك

ما شااااء الله يبدو عليهم انهم أذكياء جدا

المدير:كلهم ماشاء الله علاهم نوابغ وفلتات

الموجه:بس الطالب هذا ليش ما يحلق شعره؟؟؟احس انه يذكرني بجدايل راشد الخلاوي وعيونه وراها متقلبه؟؟؟

المدير :هذا اسمه فيصل ومسمي نفسه عابر القارات ولا يغرك شكله تراه بين ربعه فارس..

الموجه: فارس والا الروم:D:D

المدير:يا زين هالضحكة منك زيناه طال عمرك


الموجه: ياكثر ما تقولون لي طال عمرك اظن لو صليت بكم وغلطت قلتوا لي سبحان الله طال عمرك:mad::mad::mad:

كلمة الموجه للطلاب
"ابنائي الطلاب ان العلم نور والجهل ماهو بنور....المتعلم يقرا الخط واللي ماهو متعلم يقرون له الخط...اللي متعلم يجلس في المجلس واللي ماهومتعلم يرعى الغنم....المتعلم يكتب على دفاتره واللى ماهو متعلم يشخبط على الجدران..وشكرا"

تصفيق حار جداجداجدا

الموجه :عندي سؤال اختبر ذكاءكم ؟ ماهو الخط الذي يمر بنصف الكرة الارضية من الشرق الى الغرب؟

ابو عمر:انا انا انا انا

الموجه :قل

ابو عمر: خط الاستوااااء

الموجه: ممتاز

ابو عمر: بس يا موجه خط الاستواء هذا مسفلت والا ردمية؟؟؟:D:D:confused::confused:

فيصل: هو سايد واحد والا سريع؟؟

الموجه:تبغون الاجابة؟؟؟؟؟؟

الطلاب: ايوة

عندك يا خو شما

رد : بدأ التسجيل .......................إلحق
 

[align=right][color=#000099][size=5]اقول ياريس مشعاب
الموجه الجديد شامان الظاهر انه بيسوي علينا انقلاب
عنده معلومات وبيخرب علينا الطلاب
حنا ماصدقنا جمعنا ذا الطلبه وعلمناهم فك الخط وجاي الله يهديك
تسألهم عن خط الاستواء
مره اخرى يامشعاب انتبه من شامان
تراه يرسم على بعيد
يعني طموحه تعدى ادارة المدرسه
يعني الحذف صار دون المعقلات
يعني انا اشوفه يقز كرسيك طال عمرك ياسعادة الريس[/size][/color][/align]

رد : بدأ التسجيل .......................إلحق
 

هههههههههههههههههههههه يا سلام سلم لي على المبدعين الشامانيين


روعه يا شامان منتاز بالحيل جدا


اخو شما ما عليك منه و لاتخشى احدا طال عمرك دام اخو عجراء يشم الهواء


يا حليل مدرستكم كلهم فلتات على معناها الصحيح

رد : بدأ التسجيل .......................إلحق
 

جاكم الطالب فيصل

والله ماكسرت قزاز السيارات الماره بالشارع

بس خمس سيارات للمدرسين فقط


ياستادي ياستادي

انا عابر في البلادي
ومعي شريط لعبادي

ياستادي ياستادي

اسمعني الله يخليك
والله يهديني ويهديك

ياستادي ياستادي

درست ولانفع درسي
ود الكرسي هات الكرسي

ياستادي ياستادي

مدرس لاكنك شيخ
وتجيد انواع التكفيخ

ياستادي ياستادي

مابك رحمه ولاحنيه
في راسك اكبر جنيه

ياستادي ياستادي

تروعنا بالتهديد
لو انك اول بليد

ياستادي ياستادي

تطرد فيصل لجل سعيد
لو ان فيصل مقيريد

ياستادي ياستادي

راحت شكرأ جتنا مرسي
تمرس حكيك معي مرسي

ياستادي ياستادي

انا طالب في احساس
مثلك رجل وابن ناس

ياستادي ياستادي

خلك معي حيل مؤدب
لاتحركني ثمٍ تنشب

ياستادي ياستادي


بس يافيصل تراك خربطت على مدرسك

انا ياستاد انا ياستاد












































فيصل